Thursday, December 9, 2010

هذي حالك يا بو عبدالعزيز






غاسل ٍ كفـي مـن مصافحـة بعـض اليديـن -- وقافـل ٍ بوجيـه اهلهـا صنـاديـق البـريـد

وشايف ٍ شي ٍ لـي اعـوام مالـي فيـه عيـن -- وقاطـع ٍ خيـط الهقـاوي بسكـيـن الوكـيـد

وخالص ٍ من طيـب ضـن ٍ موهقنـي سنيـن - وظاهر لي عقب عرف العـرب عقـل ٍ جديـد

وطايح ٍ من عيني ارجـال عنـدي كـان ويـن -- وحاقـر ٍ منهـو يقـيـس الاوادم بالرصـيـد

ومحتمي ٍ من غدر الاصحاب في حصن ٍ حصين -- ولابس ٍ لرماح الاقـراب ثـوب ٍ مـن حديـد

وماضي ٍ منـي علـى اللـي تمشينـي يميـن -- ما تجي منهـو قريـب ٍ والـى احتجتـه بعيـد

المواقـف تشخـل النـاس والطـيّـب يبـيـن -- كل عـام يطيـح تسعـه ويصفـا لـي وحيـد

اشهـد ان خيـر المـدارس تجـارب الاوليـن -- واشهد ان راي التجارب هـو الـراي السديـد

واشهـد انـي للبـلاوي علـى الدنيـا مـديـن -- كـل مـا راجعـت نفسـي طلعـت المستفيـد


Quoted from http://www.q8ow.com

- Posted using BlogPress from my iPad

No comments: